tiom da ligoj de l'viv' kiujn tiom da mortintoj en la karnon mem enfiksis je l'anguloj de l'korpo (16/01/2013)
Demandoturmentejo
Ili al mi enŝovis en la gorĝo funelon
kie senĉese fluas tuta tiu spaco nigra
tiuj Jupiteroj steloj galaksioj
tiu eknaŭzo de la balanciloj
tiu trinkaĉ' da kirloj kaj perihelioj
tangad' peza de l'freneziĝantaj planedoj.
Mi estas ŝnurligita sur la tablo tera
en malhel' de l'kelaj ĉambregoj de l'nokto
kuŝtrudata sur l'glueca tablo de l'ter'
per tiom da ligoj de l'viv' kiujn tiom da mortintoj
en la karnon mem enfiksis je l'anguloj de l'korpo
kontraŭ ligiloj mi baraktas sed ankaŭ vi
al vi ĉio vanas vi kiel mi estas
plenfelsako da sang' kaj malgusta senlim'
Jean PEROL - franca poeto naskiĝinta en 1932
Esperantigis Roland Platteau 21-a de novembro 2001
Imprimer